أنا اللي عشت وحداني
حابس نفسي مابين ذاتي
وأنا المحتاج لإيد صاحب
تكون أهلي وخلاني
فتحتلكم أنا بباني
وأقول يمكن أشوف الفرح وياكم
هنا تاني واعوض بيكم اللي كان
رميتوني بسهم الغدر والأحزان،،،،،،،،،
وسبتوني وحيد تايه
في سكه ليل مامنه نهار
وسهم الجرح في ضلوعي
بقيت وحدي في وسط النار
وخدتوا فرحتي مني وبعتوا الدار
وراح الأهل والخلان
وسبتوا سهم في ضلوعي
حفر علم علي الوجدان،،،،،،،،،،،،،،،،،،
أنا اللي نفسي فارقتني
وبسهام الرحيل منكم تروح الروح
أنا اللي الفرحه خاصمتني
أنا التايه أنا المجروح
أنا الطير اللي بسهامكم بقي مدبوح
أنا اللي كنت في حالي تملي زمان
وبفراقكم نسي لنفسه طريق عنوان،،،،،،،،،،،،،
بقيت عايش حزين باكي
علي رحيلكم بقيت شاكي
ومش عارف أغير حزن بأيديه
لفرح يجيني في حياتي
وأمنيه ان نفسي أعود تعود بالفرح يوم ذاتي
واخدني حنان لكن دمعي علي حالي
وسهم جرحني م الخلان،،،،،،،،،،،،،،،
أبات واصحي علي جراحي
اللي جوه القلب ملياني وبتعلم
وباتندم علي علي اني أمنتلكم
فتحتلكم ببان قلبي
اللي صابه سهام وماتكلم
وباتحسر علي اللي كان
وباحلم أني يجملني
مراكب جايه بالنسيان،،،،،،،،،
انا نفسي أعود تاني
وحيد قافل علي نفسي
حاملني الحلم لكياني
يعود وياه انا حسي
ومش فارق سنين عمري
علي أي الشطوط ترسي
يكون أهون من اللي كان
واعلم قلبي ينساكم
ويتعود علي العصيان،،،،،،،،،،،،،،،
أنا بحصد طيابه قلب
عاش دايماً ماليه احساس
فتح بابه لكل الناس ،
وما صابه الا سهم بغدر راح وانداس
جراح دايمه
مايحملها ولايسطر دموع ليلها
ولا كراس أنا اللي قلبي
بوصالكم خلاص اتهان
وموتم برائه قلب ف الانسان
،،،، ،،،،،،،،،،،،،،،،،،،،،،،،،بقلمي/ رافت يوسف
ليست هناك تعليقات:
إرسال تعليق