( ناس ) بقلم...محمد عسل

( ناس )  بقلم...محمد عسل

في ناس مغلوبة علي أمرها..

وناس محتاجة بس أمان...

وناس ف الغربة ضاع عمرها....

وناس ف الخير ماليها ضمان...

وناس منك تشوف شرها..

وتجرح فيك بكل زمان...

في ناس تحزن ماتسمع لها...

تداري الحزن بالكتمان...

وناس تملك كتير عندها..

تخبي كتير وتكنز مال...

ولو يطلب فقير منها...

ما ياخد منها غير حرمان...

وناس تكرم وطول وقتها...

ماتملك حتي راحة بال...

وناس تشكي لطوب أرضها..

وناس تكتم تقول جدران...

في ناس مرسومة علي وشها...

همومها وخوفها بلا ألوان...

وناس مكتوبة علي قلبها...

حروف محتاجة بس حنان...

في ناس توفي برغم إنها...

كان أقرب ناسها قاسي وخان...

وناس تضحك يبان سنها...

وناس تبكي جروحها تبان...

هموم الناس يطول شرحها...

دا حزن كتير يهد جبال...

وكل الناس عشان وصفها...

يضيع عمرك ف وصف إنسان.

بقلم...محمد عسل