انا والكارت
الكارت:
اخويه هايص وانا لايص
اجبله رصيد من فين
وهو مش مبطل رغي يا ناس ثانيتين
انا:
يا مرارى الطافح
الرصيد راح فين
ملحقتش اقول الكلمتين
الكارت:
ملحقتش مين يانور العين
هو انت بطلت لوكلوك من ساعتين
انا:
الشحن بعشره زى بميه
يدوب اقول حرفين
و يقولى رصيدك نفذ
يا نن العين
الكارت:
يعنى انا حرامى
طب متكلمنيش تانى
مخصمك وعارف
انك هترجعلى ف ثوانى
انا:
براحه عليا شويتين
انت عارف هجيب منين
و انت نازل سحب منى
ضريبه دمغه على خدمتين
الكارت:
ده شغل شحاتين
وع الله وربنا بسهل
نجيب منين
انا:
لامؤخذه يا سدنا
حقنا بنتكلم فيه
و لا انت فالح ف
رسايل عميلنا العزيز
و نفاذ الرصيد
الكارت:
ايوا فالح علشان معندكش جديد
وشكلك مش بس راغي
لكن عنيد
مترجعش تعيط ع الرصيد
انا:
ابو اللى جابوك
يا اهبل و عبيط
تسرقنى عينى عينك
وتقول مفيش جديد
خدمات فشتك بشتك
كولتون على خبارين
الكارت:
ماانت كنت لسه بتعبط بدموع العين
وبتقول بس اجيب منين
من لسانك اتفكو العقدتين
والشجاعه عندك بقت قراطين
استحمل طول لسانك ومتجيش تنزل الدمعتين
انا:
يا عم زهقتونى وفلستونى
بقيت على فيض الكريم
لا عارفه اكلم حبيبى
و لا اغلس على صاحبتين
نسيت الباقه الشهريه
اللى بتخلص بعد يومين
الكارت:
اشطه يازميلى
متجيش تشتكيلى
وتقولى ف بعدك الحاله بتجيلى
وخلينى بس اتكلم ثانيتن
انا:
يا عم روح تعبتنى
من فلوسى حرمتنى
وعن اهلى بعدتنى
يخرب اللى اخترعك
معاك بهدلتنى
الكارت:
داانا لسه هوريك
واخلي نجوم الليل تناديك
وباسمى تنادى ف كل مكان
من غيرك يا كارت الشحن انا تعبان
وفبعدك انا عيان
متخف شويه ولاانت قريب بياع اللبان
انا:
عشنا سنييين وسنييييين
قريبين للاهل و الاقربين
جيت بعدتنا حتى اللمه حرمتنا
و ف كل مناسبه مفرق شملنا
اكتفينا بدقيقه منك و رساله
عشان الخوف م الزعل والاهانه
و احب اعرفك يا ابو ثانيتين
انى انا بياعه اللبان بنت القريب
مع تحيات ...
الكارت : بياع اللبان خالدالمصرى
ليست هناك تعليقات:
إرسال تعليق