................( 6 ).................
جوابات الاسطى حراجي
بعد الخال
.......................................
من فاطمه أحمد عبد الغفار
الكاينه في جبلاية الفار
الي زوجنا الغالي
الاسطى حراجي القط
العامل في السد العالي
........................................
أنا وعيالك عندينا عيد
نفسي تشوف عزيزه وعيد
الفرحه بتخرج منيهم
وطول الليل نازلين طنطيط
وأنا يا حراجي إتلخبط حالي
ولا عارفه أيه اللي جرالي
كان ودي أرقع زغروده
وولدك عيد كان بيقرالي
دموعي نزلت م الفرحه
هو أنا يعني مش حقي أفرح
كَني عروسه لابسه الطرحه
طب واللهِ يا حراجي صحيح
حاسه روحي مسابقه الريح
كَن جوابك كان تصريح
لقلبي يتنطط ويصيح
يا أبو القط الشوق غلاب
شئ ولا يوصفه الف جواب
مهما أنا قولت في الجوابات
وصف الشوق بقلم كداب
روحت علي أم علي أبو عباس
أقوليلها تسأله وخلاص
كيف الواحد يقدر يوصل
علي أسوان
فجأه لقيتها بتبكي دموع
قولت أستفهم أيه الموضوع
قالت علي سافر علي مصر
ولاقيتني ببكي وياها
مخرجتش غير بعد العصر
دورت الحسبه في راسي
وقولت .............................
أسوان محتاجه أيه غير
قطر.................................
فاكر أول جواب منيك
لما دموعي بلت شباك القطر
إياك فاكر إني نسيت
دا أنا حافظه الجوابات بالسطر
إبعت قول راح تستنه
في أي محطه ...................
وأنا جاهزه .................
واقفين بس علي قفل
الشنطه ..........................
وناويه أدبحلك كام فروج
علي كام بطه ................
وراح أسويلك كام فطيرايه
وراح أجيب زلعة مِش معايا
والاجره خليها ويالك
خيرك مالي علينا الدار
وفرها لمصاريفنا هناك
بيقولوا غاليه كتير أسوان
.......................................
أبعت رد عليا قوام
أنا من فرحتي خايفه أنام
أصحي يقولوا دا كان أحلام
وكل كلامك جوه جوابك
زيادة شوق خلقت أوهام
............................................
زوجتك فاطمه
........................................
ليست هناك تعليقات:
إرسال تعليق