.....هأعيش........
لو تبعدي أو ما تبعديش
بيكي من غيرك هأعيش
صدقيني لو قلتلك الحياه
ماشية ببعادك ما بتنتهيش
.....
هيفضل ليلها ف سماه قمر
والضحكة ف وشوش البشر
وهمس الشتا وصوت المطر
وكل شئ في الحياه بيعيش
......
الذنب عندك مش عندي أنا
عايزة كل شئ وأنا فين أنا
الخطوة عندك محناجة سنة
سنين عمرنا قصيرة ماتكفيش
.......
بيننا غربة مسافة وغربة فينا
ما بتقربنا بتبعدنا عن بعضينا
وطبعك زي طبع الزمن لينا
بياخد مننا وغير المر ما بيديش
......
الحب كلمة بسيطة من حرفين
مش سؤال جوابه دايما حزين
الحب حلم يحققه شوق قلبين
وأنا كان نفسي ف حلمك أعيش
......
اتعاهدنا وقلنا بكرة الحياه لنا
ولا شئ هيبعدنا عن بعضنا
واللي باقي م العمر هيكون لنا
قلت اللي عندي وانتي ما بتـ صدقيش
..............أيمن بلال
..............أيمن بلال
ليست هناك تعليقات:
إرسال تعليق