اكـــــــــــــــــــــون أو لا أكـــــــــــــــون
إنت بعيد وانا وياك جنبك لكن مش بلقاك
ليه محسسنى القسوه فى قربك
وليه فى البعد بتبقى مـــــــــــــلاك
قولت عاوزنى افضل جمبك وبلاش تبعد انا عاوزاك
قلت يا غربه ياريت ما تعودى اصل حبيبى احتاج لوجودى
عشت معاكى لكن مش حاسس إنى معاكى وليا وجودى
على مين فينا الحق يكون قوللى يا اطيب صدر حنون
سيبت ميزان العدل فى ايدك وهارضى بحكمك مهما يكون
انا فضلت الصمت فى لحظه لكن صمت الحب جنون
احكمى قولى خاللى مشاعرك دى تتحرك
خايفه لاتظلم مهما ان كان الظلم يهون
اهون من انى اكون موجود واشعر إنى مالى وجود
جربى لحظه تكونى مكانى دوقى الصمت وحسى جنانى
جربى معنى تعيشى فى عالم لكن حاسه ان انتى وحيده
جربى يبقى حبيبك جنبك اسم وشكل
مش بالروح وبكل كيانه وحتى مشاعره عليكى بعيده
وانتى حبيبك بالنسبالك هو الدنيا وكل امالك
تعملى ايه لو يتجاهلك تبعدى عنه تعشقى غيره
وهو الدم اللى فى شريانـــــــــــــــــــــــك
هى دى بالظبط حياتى احكمى ياللى روحى وذاتى
انا دلوقتى حاسس بيكى علشان بشكى منك ليكى
صعب الخصم يكون الحكم ممكن يظلم مش يتظلم
ومهما ان كان فى الظلم الالم مش راح اقول يوم كلمه ندم
علشان راضى بحكمك انتى يا تكونى ذكرى يا لسه حبيبتى
احكمى بينا وقولى الحق انا استاهل ده أو لأ
ابقى معاكى تبقى بعيده لأ ومشاعرك حتى عنيده
فاكره كلامنا من كام يوم اللى مفيهش عتاب او لوم
كله يادوب تحذير من الذكرى وخوفنا لا بكره نصبح ذكرى
يظهر صعب الحب يكون لأ والاصعب ان انا وانتى صعب نخون
وانا حبيتك فوق الحب فوق القلب فوق الوصف فوق العقل
انا حبيتك حب جنون لكن لما يفيض بالقلب هينسى الحب
وراح يتفجر ولا هيفكر وان كان يخسر حتى الكون
عشت حياتى ومبدأى كلمه يإمـــــــــــــــــــــــا
أكــــــــــــــــــــــــون أو لا أكــــــــــــــــــــــــون
مع تحياتى
شعر وكلمات احمد فاروق
ليست هناك تعليقات:
إرسال تعليق