طيب إيه دا اللي بيحصللي؟! ياسمين_عز
ومين دول اللي دخلوا عليا؟؟
دلوقت بس نفسي أسجد وأصلي
لكن خلاص دا مش بإيديا
أنادي أنا ع مين ينجدني؟
ومين اللي هيقدر يساعدني!
صرخت صرخه بصوت عالي
جريوا عليا أهلي وجيراني
كسروا الباب لاقوني وحداني
بتنفس بخنقه رهيبه
وانا نفسي أطلب حد مكاني
كل أعضائي بقت مشلوله
وعيوني دايره ف الأركان
شايف كل الناس مذهوله
وأشخاص غريبه ملت المكان
#شريط_حياتي عمال يمر أدام عنيا
ودموعي بقت من دم مش من ميه
يقولولي قول لا_إله_إلا_الله
والكلمه دي بالذات أصعب مايكون عليا
ياما اتريقت ع زميلي
اللي شايل هم الدين
قال ف طريق الحق ماشيلي
وعامل فيها صلاح الدين
وكل ما أقوله نعمل حاجه
وانا اللي كنت فاكر دي
طلع دا هو الطريق لله
أنا كنت عارف إن في آخره
وإن الحساب إجباري
لكن قلبي كحتة صخره
ولو مره لان كان بيكبر ويداري
طيب وامي!!
هتسامحني ع غلطتي؟
دا انا لسه معاها متخانق
معقوله خلصت فرصتي!
وخلاص من كل الدنيا مفارق!
!!
هقابل ربي كده ازاي؟
وهقوله إيه ساعة الحساب!
انا كنت عارف إن اليوم دا جاي
لكن دا سني صغير ولسه شباب
كنت بقول
ولما أكبر هبقي أتوب
استمتعت بكل أوقاتي
وكل دا ف النار هيدوب //
ليست هناك تعليقات:
إرسال تعليق