قصيدة
------
أ مـــــــــــــي
[ إليها أكتب ]
------------------------------------------
للشاعر / محمد عبد الفضيل
----------------------------
لسه صورتك يا أمه طاله
جوا بروازها القديم
زي ما أنتي قمره هاله
صابره ع المرض اللئيم
رغم إن الآهـــه عاليه
بس صوتك فيه نسيم
لسه باعته لي التحيه
داعيه للرب الرحيم ...
--------------------------
والملامح هيا هيا
والعيون السهرانين
والرموش متكحلين
والخدود الممدودين
يحضنوا تعب السنين
من شقاكي
من قساكي
كالملا يكه السابحين ...
---------------------------
من بياض الشعر عندك
عمر عديته بسنين
هوا فيه ف العمر بعدك
عمر تاني طب لمين ؟؟
أصل عمري يا أمه جمبك
قصه مكتوبه بحنين ..
لو هابيع العمر لاجلك
مش هوفي يوم حزين ...
--------------------------
مهما بيكي العمر ولي
لسه ف هواكي النسيم
زي تمره ف نخله طاله
صابه ف رضابك نسيل
لو تصيبك ألف عله
دعوه منك تحيي أمه
رقوه تشفي ميت عليل ...
--------------------------
لسه د معك يا أمه نازل
جمر ناره جوا قلبي
والنواكب والنوازل
من دعاكي غايبه عني
والبشاير والمكاسب
من رضاكي جايه عندي ..
حتي لو نكروا العوازل
ضامه بحنانك وجعيتي ...
--------------------------
لسه فاكر يوم ميلادي
لما رشيتي البخور
قلتي يا أغلي ولادي
ربي يجعل عمري نور
ضمتك منية فؤادي
وأحلي لقمه ف الفطور ...
---------------------------
لسه صورتك يا أمه طاله
زي قمره ع الحيطان
مسك بروازها ما خلي
جمب بيتنا في يوم شيطان
لسه بروازها بيضحك
ضحكه تفتح لي البيبان
نفسي أشوف الضحكه يا أمه
نفسي أحس أنا بالأمان ....
----------------------------
ليست هناك تعليقات:
إرسال تعليق