ﻣﺎﺗﻨﺴﺎﺵ
ﻭﺧﻼﺹ ﻣﻬﺎﺟﺮ !!!
ﻭﻗﻠﺒﻚ ﺷﺪ ﺍﻟﺮﺣﺎﻝ !!!
ﻃﺐ ﻣﻠﻲ ﻋﻴﻨﻚ ﻡ ﺍﻟﺮﻣﺎﻝ
ﻭﺷﺠﺮ ﺍﻟﻄﺮﻳﻖ ﻭﺍﻟﻌﻴﺎﻝ
ﺑﺺ ﻛﺘﻴﺮ ﻋﻠﻰ ﻛﻞ ﺷﻲﺀ
ﻭﺍﺭﺑﻂ ﻋﻠﻰ ﻗﻠﺒﻚ ﺣﺠﺮ
ﺍﻭﺿﺘﻚ ﻭﻛﺘﺒﻚ ﻭﺍﻟﺪﻭﺷﺔ
ﻭﺍﻟﻠﻤﺔ ﻭﺍﻟﺸﻠﺔ ﺍﻟﻐﺠﺮ
ﻭﻣﺎ ﺗﻨﺴﺎﺵ ﺗﻤﻠﻲ ﺻﺪﺭﻙ
ﻣﻦ ﺍﻧﻔﺎﺱ ﺍﻟﻄﺮﻳﻖ
ﻭﺍﻟﺰﺭﻉ ﻟﻤﺎ ﻳﺮﻣﻲ ﺿﻠﻪ
ﻓﻮﻕ ﺟﺒﻴﻨﻚ ﻛﺄﻧﻪ ﺻﺪﻳﻖ
ﺍﻭﻋﻰ ﺗﻨﺴﻰ ﻛﻤﺎﻥ ﺍﻟﺰﻫﻖ
ﺍﻟﻠﻲ ﺧﻠﻰ ﻗﻠﺒﻚ ﻳﻘﺴﻰ
ﻭﺧﺪﻩ ﻣﻌﺎﻙ ﻳﻘﻮﻳﻚ ﻓﻲ ﺍﻟﺴﻔﺮ
ﻭﻳﺤﻂ ﻋﻠﻰ ﻗﻠﺒﻚ ﺍﻟﻒ ﺣﺠﺮ
ﻏﻴّﺮ ﺍﻳﺎﻣﻚ ﺑﺰﻫﻖ ﺗﺎﻧﻲ
ﻏﻴﺮ ﺍﻟﺰﻫﻖ
ﻭﻣﺎﺗﻨﺴﺎﺵ ...
ﺍﻛﺘﺐ ﻋﻠﻰ ﺑﺎﺏ ﺍﻭﺿﺘﻚ
ﻗﺒﻞ ﺍﻟﺮﺣﻴﻞ ": ﺧﺮﺝ "
ﻣﺠﺮﺩ ﻛﻠﻤﺔ ﺧﺮﺝ
ﺗﺮﺩ ﻋﻠﻰ ﺳﺆﺍﻝ ﺍﻣﻚ
ﻟﻤﺎ ﺗﻨﺎﺩﻱ ﺍﺳﻤﻚ ﺑﺎﻟﻐﻠﻂ
ﻉ ﺍﻟﻔﻄﺎﺭ ﻭﻻ ﻏﺪﻭﺓ ﺳﻤﻚ
ﻭﻳﺮﺩ ﺻﺪﻯ ﺍﻟﺼﻮﺕ ": ﺧﺮﺝ "
"ﺧﺮﺝ "
.
.
ﻟﻤﻴﺎﺀ ﺣﻤﺪﻱ
ﻭﺧﻼﺹ ﻣﻬﺎﺟﺮ !!!
ﻭﻗﻠﺒﻚ ﺷﺪ ﺍﻟﺮﺣﺎﻝ !!!
ﻃﺐ ﻣﻠﻲ ﻋﻴﻨﻚ ﻡ ﺍﻟﺮﻣﺎﻝ
ﻭﺷﺠﺮ ﺍﻟﻄﺮﻳﻖ ﻭﺍﻟﻌﻴﺎﻝ
ﺑﺺ ﻛﺘﻴﺮ ﻋﻠﻰ ﻛﻞ ﺷﻲﺀ
ﻭﺍﺭﺑﻂ ﻋﻠﻰ ﻗﻠﺒﻚ ﺣﺠﺮ
ﺍﻭﺿﺘﻚ ﻭﻛﺘﺒﻚ ﻭﺍﻟﺪﻭﺷﺔ
ﻭﺍﻟﻠﻤﺔ ﻭﺍﻟﺸﻠﺔ ﺍﻟﻐﺠﺮ
ﻭﻣﺎ ﺗﻨﺴﺎﺵ ﺗﻤﻠﻲ ﺻﺪﺭﻙ
ﻣﻦ ﺍﻧﻔﺎﺱ ﺍﻟﻄﺮﻳﻖ
ﻭﺍﻟﺰﺭﻉ ﻟﻤﺎ ﻳﺮﻣﻲ ﺿﻠﻪ
ﻓﻮﻕ ﺟﺒﻴﻨﻚ ﻛﺄﻧﻪ ﺻﺪﻳﻖ
ﺍﻭﻋﻰ ﺗﻨﺴﻰ ﻛﻤﺎﻥ ﺍﻟﺰﻫﻖ
ﺍﻟﻠﻲ ﺧﻠﻰ ﻗﻠﺒﻚ ﻳﻘﺴﻰ
ﻭﺧﺪﻩ ﻣﻌﺎﻙ ﻳﻘﻮﻳﻚ ﻓﻲ ﺍﻟﺴﻔﺮ
ﻭﻳﺤﻂ ﻋﻠﻰ ﻗﻠﺒﻚ ﺍﻟﻒ ﺣﺠﺮ
ﻏﻴّﺮ ﺍﻳﺎﻣﻚ ﺑﺰﻫﻖ ﺗﺎﻧﻲ
ﻏﻴﺮ ﺍﻟﺰﻫﻖ
ﻭﻣﺎﺗﻨﺴﺎﺵ ...
ﺍﻛﺘﺐ ﻋﻠﻰ ﺑﺎﺏ ﺍﻭﺿﺘﻚ
ﻗﺒﻞ ﺍﻟﺮﺣﻴﻞ ": ﺧﺮﺝ "
ﻣﺠﺮﺩ ﻛﻠﻤﺔ ﺧﺮﺝ
ﺗﺮﺩ ﻋﻠﻰ ﺳﺆﺍﻝ ﺍﻣﻚ
ﻟﻤﺎ ﺗﻨﺎﺩﻱ ﺍﺳﻤﻚ ﺑﺎﻟﻐﻠﻂ
ﻉ ﺍﻟﻔﻄﺎﺭ ﻭﻻ ﻏﺪﻭﺓ ﺳﻤﻚ
ﻭﻳﺮﺩ ﺻﺪﻯ ﺍﻟﺼﻮﺕ ": ﺧﺮﺝ "
"ﺧﺮﺝ "
.
.
ﻟﻤﻴﺎﺀ ﺣﻤﺪﻱ
ليست هناك تعليقات:
إرسال تعليق