سعادة البيه *على أحمد عبد الجليل

علي شمس الربيع

سعادة البيه
.......................
يابنت الناس السكات
أحسن
ووطى الصوت
وخللى الليله تعدي
تفوت
بدال محلف أخلي الليله
ليلة موت
وردت عليه بعلو
الصوت
ورينى هاتعمل
إيه
يابت انا بيه
ولابس بدله مكويه
وليميها وهاتى جزمتى
اللميع
على إيه النفخه كدابه
بلاش تقميع عل الفاضيه
سنين عايشه على
غلبك
وانا راضيه
وإيه بس اللى خلاكى
وانا معاكى
ماشفتش غير سنين
سوده
ياراجل دي كانت أوضه
بدون حمام
فاكرها يابت والله
كانت أيام
وقولنا فيها أحلى كلام
تعالا أعدلك
الكرفته
وفاكر لما جارتنا
كانت تضحكلك
وتغمزلك
يابت وسعى الكرفته
بلاش خنقه
أنا نازل
أجبلك ايه
وقوليلي ياسعادة البيه
هات حتتين جبنه
وعيش فينو
وروح السوق اللى
عارفينو
وهات جمبري مشوي
يالهوي
أروح ألحق حلة
المحشي
وضحكت وقالت
ماتتأخرش ياسمك
ايه
يوه يقطعنى
قصدي اقولك
ياساعادة البيه
...........
على أحمد عبد الجليل