لما الفجر يهل عليا ... شمس الصبح بتطلع تسرح
في اللي بيسهر للفجرية...حزين .. واللي بيفرح
واللي ينكت ويا حبيبته ...واللي بيبدء حب جديد
لما الفجر يهل عليا ...بيوقف كل المواعيد
بيزود شوق الحبيبه للعربيد
والعصافير من جوه عشاشها بتصحيني بصوتها الرايق
وكأنها بتعاند فيّ
لما الفجر يهل عليا ...هو سيناريو وبينعاد
اللي يزعق ويا حبيبته ...واللي حبيبته بكل طيابة
اداتله معاد
وانا سكتي طرّاحه بعاد
سهران قاعد ببكي لوحدي
كانت عادتي
اسهر ويا حبيبتي السمره ...ام عيون ولاده خضار
اللي بتضحك ضحكة رقيقة ينكسف الليل من ضحكتها
يبقى نهار
اللي ف عز البرد بتقلب ميت دفايه
كات وعداني انها هاتكمل اخر السكة وتبقى معايا
اللي بتغزل فوق عناقيدها الشمس الضي
حتى ملايكة ربنا شهدوا ان ف خلقه مالهاش زي
كات حالفالي بان بعادنا شئ اسطوري
كنت تحس ف نبروة صوتها ان كلامها قرار جمهوري
او فرمان من عهد الثورة
وانا سهران بسرح ف كلامنا ...واتخيل ف حبيبتي السمرة
اه يا شوارع شمسك عامره ...زي جريد النخل العامر
لسه بتحسبلي ف تقلانها ...وف تقاليعها بتاعت امبارح
وانا مش حمل خيانة وغدر
ليلك اصبح زي نهارك ...ساقية ودايرة ف جندل هدر
لما الفجر بيبدء يطلع ...بيمتخرلي الوف والوف
في اللي تحبك لجل جمالك ...واللي هاتاخدك علشان مالك
واللي تعوزك وقت الخوف
وانا مش طايق صدمه جديدة ...قلب الشاعر عملة ونادرة
وانا لسايا بفكر فيها ...واتخيل ف حبيبتي السمره
اول فجر ف شهر يناير ...اول مره اديتها معاد علشان نتقابل
كانت حلوة بدرجة تحول كل مافي لورد وطارح
كل مافيا اتحول ليها ...من بعد ماكان صبار جارح
البت ام عيون دبّاحه .. مين قال انها تعرف تقسى
بتهدّك .. لكن بالرّاحه ... لو زعلت مره فاهي بتنسى
يا حبيبتي الكون بيكون بيكي من غيرك عتمة ولا ينور
سما صافية نجومك حواليكي .. من وهج بريقك تتعور
لسه امبارح كات ف الحلم
كانت واقفه بمريله بني والشنطة على اكتافها بتضحك
كانت زي نسيم الميه اما بيتحول شلال صهرج
والشلال واقف وبطوله ف ترعة هيج
السمرة ام عيون كرابيج
ام رموش قاتله ودباحه
اول مرة احس عيونها قاسية بتلك الدرجة وغادرة
بس كعادتي بفكر فيها ...واتذكر ف حبيبتي السمرة
#علي_عسكر
#حبيبتي_السمرة
في اللي بيسهر للفجرية...حزين .. واللي بيفرح
واللي ينكت ويا حبيبته ...واللي بيبدء حب جديد
لما الفجر يهل عليا ...بيوقف كل المواعيد
بيزود شوق الحبيبه للعربيد
والعصافير من جوه عشاشها بتصحيني بصوتها الرايق
وكأنها بتعاند فيّ
لما الفجر يهل عليا ...هو سيناريو وبينعاد
اللي يزعق ويا حبيبته ...واللي حبيبته بكل طيابة
اداتله معاد
وانا سكتي طرّاحه بعاد
سهران قاعد ببكي لوحدي
كانت عادتي
اسهر ويا حبيبتي السمره ...ام عيون ولاده خضار
اللي بتضحك ضحكة رقيقة ينكسف الليل من ضحكتها
يبقى نهار
اللي ف عز البرد بتقلب ميت دفايه
كات وعداني انها هاتكمل اخر السكة وتبقى معايا
اللي بتغزل فوق عناقيدها الشمس الضي
حتى ملايكة ربنا شهدوا ان ف خلقه مالهاش زي
كات حالفالي بان بعادنا شئ اسطوري
كنت تحس ف نبروة صوتها ان كلامها قرار جمهوري
او فرمان من عهد الثورة
وانا سهران بسرح ف كلامنا ...واتخيل ف حبيبتي السمرة
اه يا شوارع شمسك عامره ...زي جريد النخل العامر
لسه بتحسبلي ف تقلانها ...وف تقاليعها بتاعت امبارح
وانا مش حمل خيانة وغدر
ليلك اصبح زي نهارك ...ساقية ودايرة ف جندل هدر
لما الفجر بيبدء يطلع ...بيمتخرلي الوف والوف
في اللي تحبك لجل جمالك ...واللي هاتاخدك علشان مالك
واللي تعوزك وقت الخوف
وانا مش طايق صدمه جديدة ...قلب الشاعر عملة ونادرة
وانا لسايا بفكر فيها ...واتخيل ف حبيبتي السمره
اول فجر ف شهر يناير ...اول مره اديتها معاد علشان نتقابل
كانت حلوة بدرجة تحول كل مافي لورد وطارح
كل مافيا اتحول ليها ...من بعد ماكان صبار جارح
البت ام عيون دبّاحه .. مين قال انها تعرف تقسى
بتهدّك .. لكن بالرّاحه ... لو زعلت مره فاهي بتنسى
يا حبيبتي الكون بيكون بيكي من غيرك عتمة ولا ينور
سما صافية نجومك حواليكي .. من وهج بريقك تتعور
لسه امبارح كات ف الحلم
كانت واقفه بمريله بني والشنطة على اكتافها بتضحك
كانت زي نسيم الميه اما بيتحول شلال صهرج
والشلال واقف وبطوله ف ترعة هيج
السمرة ام عيون كرابيج
ام رموش قاتله ودباحه
اول مرة احس عيونها قاسية بتلك الدرجة وغادرة
بس كعادتي بفكر فيها ...واتذكر ف حبيبتي السمرة
#علي_عسكر
#حبيبتي_السمرة
ليست هناك تعليقات:
إرسال تعليق