بيت العيلة * سامية سليمان

Samia Soliman shared ‎احلى الكلام‎'s post.

‎احلى الكلام‎ added 3 new photos.

Top of Form

Bottom of Form

Samia Soliman shared ‎احلى الكلام‎'s post.

‎احلى الكلام‎ added 3 new photos.Like Page

بيت العيلة
---------
ف ضل التوتة لمِّتنا وقعدتنا ولقمتنا
بنقسمها.. نغمِّسها بضحكتنا وفرحتنا
وتحلي لنا ف ضي القمرة سهرتنا
ولاكان دش ولا فيديو ولا تلفاز
لا انترنت ولا ديسكو ولا نزناز
ولو غاب القمر ليلة .. في لمبة جاز
ونتناقش ف سهرتنا ف أحوالنا
وفيها نحل مشاكلنا.. ودي حالنا
وبنصلي العشا ونرتاح
وكان بيتنا مالوش مفتاح
وعالشجرة نقشنا حروف أسامينا
وكل العيلة بتبارك وتحمينا
وناسنا كلها عارفة
دي كانت تحتها الزفة
عليها الزينة كات لفَّة
وشي طبلة وشي مزمار
وكانت فرحة ف قلوبنا
وقلب الدار
ولما ف يوم جت الدودة وعاينتها
وشافت التوتة دي مادَّة بفاكهتها
قالت مش ممكن انا اسيبها
ولابد ان انا اصيبها
لاخلت فرع ولا ثمرة ولا أغصان
وحتي الجذع مشيِت فيه صبح خويان
وجه الحطاب وجاب فاسه قطعها كمان
وكسَّرها مافات حتي أسامينا
وأحلي ذكري كات لينا
وكل مانمشي مطرحها
دموع الجذر تنادينا
ترغرغ دَمعة ف عنينا
علي الذكري .. علي الأيام
وع الفرقة .. وليالينا.

سامية سليمان